"УАЗ" машинасын йөртүче полицейскийны бәрдерә һәм урыннан качып китә

Казанда "УАЗ" автомобиле йөртүчесе үзен туктатырга дип каршысына чыккан полицейскийны бәрдерә һәм шул урыннан качып китә. Әлеге хокук бозучыны тоткарлау өчен берничә ЮХИДИ экипажы җәлеп ителә.

Ниндидер мизгелдә Ямашев проспекты белән Мусин урамы киселешендә аек хәлдә булмаган машина йөртүче, борылырга дип уйлап, трамвай юллары аша очып үтә. Шул арада машинасының көпчәге тишелә.

Ир-атны тоткарлыйлар. Шулай ук полиция хезмәткәрләре хокук бозучы идарә иткән автомобильнең урланган булуын да кире какмыйлар. Әлеге хәлнең нечкәлекләре ачыклана.

Фото һәм чыганак: http://tatarstan24.tv