#Кыскача яңалыклар 15 апрель 2020, 13:32

“Үлемсез полк”ны өйдән чыкмыйча тәрәзәдән генә үткәрергә телиләр

15 апрель 2020, 13:32

Удмуртиянең Глазов шәһәрендә 9 Майда "Үлемсез полк"ны "Җиңү тәрәзәсе" акциясенә үзгәртеп үткәрмәкчеләр, дип яза “Российская газета”

Скопировать ссылку

“Үлемсез полк”ны өйдән чыкмыйча тәрәзәдән генә үткәрергә телиләр

– Җиңү көненә бик аз вакыт калып бара, әмма бәйрәм булырга һәм ул безне берләштерергә тиеш. Җилкәгә җилкәне куеп бармыйча да бәйрәм итеп була, – дигән шәһәр башлыгы Сергей Коновалов.

Аныңча, "Җиңү тәрәзәсе" шул ук "Үлемсез полк". 6-9 май аралыгында һәр кеше сугышта катнашкан туганының фотосын ясатып, аны тәрәзәсенә куярга тиеш була. Чараны оештыручылар аларны фотога һәм видеога төшереп, материалларны төрле мәгълүмати мәйданчыкларга урнаштырырга вәгъдә итә. Моның белән үзчикләүдәгеләр бәйрәм рухын тоярга тиеш, ди алар.