#Кыскача яңалыклар 17 сентябрь 2019, 14:00

Уфада 17 яшьлек үсмер керпеләрне үтереп йөри, берсен агачка да асып куйган

17 сентябрь 2019, 14:00

Уфада керпеләрне күпләп юк итәләр. Шәһәр халкы керпеләрне үтерүдә 17 яшьлек үсмердән шикләнә, дип яза “Кызыл таң”.

Скопировать ссылку

Соңгы берничә көн эчендә Уфаның Блюхер урамы буендагы урман-парк зонасында эт асраучылар биш керпе үләксәсе тапкан. Җәнлекләрдә көч кулланып үтерү эзләре табылган. Бер җәнлекне бөтенләй агачка асып куйганнар. Халык 17 яшьлек егеттән шикләнә. Ул еш кына паркта сугышчан токымлы ике эт белән йөри икән.

“Керпеләр чир тартучылар, янәсе, этләргә чир йокмасын өчен аларны үтерәчәкмен. Бу – сезнең эш түгел”, дигән ул. ”Вести-Башкортстан” ул егет белән сөйләшкән кешенең сүзләрен китерә.

Эчке эшләр министрлыгының матбугат хезмәтендә тикшерү башлану турында хәбәр итәләр. Шик төшкән кешене “хайваннар белән рәхимсез мөгамәлә” маддәсе буенча җаваплылыкка тарттырырга мөмкиннәр.

Кызыклы яңалыкларны күзәтеп бару өчен безнең МАХ каналына кушылыгыз.