#Кыскача яңалыклар 19 октябрь 2017, 08:09

Укучылар мәктәп букчасыннан канәгатьме?

19 октябрь 2017, 08:09

Укучыларның күбесе мәктәп портфеленең сыйфатыннан канәгать түгел, шуңа да аны ел саен диярлек алыштырырга мәҗбүр. Дәүләт алкоголь инспекциясе Казан территориаль органының эчке базарын үстерү һәм координацияләү бүлеге белгечләре Казанның 86 нчы мәктәбендә мәктәп букчаларының сыйфаты буенча сораштыру уздырган.

Скопировать ссылку

Анда барлыгы 40 кеше: укучылар, ата-аналар, укытучылар катнашкан.

Сораштырудан күренгәнчә, респондентларның 47,5 проценты портфельнең сыйфатыннан бик үк канәгать түгел. 23,5 процент укучы бөтенләй мәктәп букчасын өнәп бетерми.

Шуңа да, күрәсең, сыйфатсыз портфельләрне укучылар ел саен алыштырырга мәҗбүр. Һәр бишенче укучы сумканы хәтта елына берничә мәртәбә сатып ала икән.

60 процент респондент портфельләрне махсус кибетләрдән ала, 12 процент ата-ана укырга керер алдыннан була торган мәктәп ярминкәләреннән сайлый, ә калганнары базардан алуны кулай күрә. Үзебездә җитештерелгән мәктәп букчаларына ихтыяҗ күбрәк. Портфельне сайлаганда 45 процент сатып алучы аның бәясенә, 15 проценты формасына, уңайлылыгына, бары 7 проценты гына төсенә игътибар итә.