Видеороликлар бәйгесе старт ала

Татарстанның Балалар хокуклары буенча вәкиле Гүзәл Удачина сүзләренчә, конкурста 6 яшьтән алып 30 яшькәчә булганнар катнаша ала. Алар гаризаны шәхсән үз исемнәреннән дә, төркемләп тә, иҗади коллектив белән бергә дә бирә ала.

Бәйгенең тантаналы ачылышы 20 ноябрьдә - Бөтендөнья бала көнендә булачак. Бәйге дүртенче тапкыр уза. Әлеге республика конкурсы беренче тапкыр 2014 елда Татарстан Республикасы балалар хокукы буенча вәкаләтле вәкил инициативасы белән узган.