#Кыскача яңалыклар 11 октябрь 2023, 15:21

Винарис Илъегет шатлыгы белән уртаклашты. Котлыйбыз!

11 октябрь 2023, 15:21

Җырчы Винарис Илъегет, Кәрим Тинчурин театры артисты Илфак Хафизов, «Мунча ташы» татар эстрадасы театры артисты Рамил Әсхәдуллинга «Татарстанның атказанган артисты» исеме бирелгән.

Скопировать ссылку

Бу хакта үзенең блогында Винарис Илъегет хәбәр итте.

"Яраткан тамашачым, сезнең белән уртаклашасы килгән зур шатлыгым бар. Буген, 11 октябрь көнне, минем әниемнең туган көнендә, шундый күңелле хәбәр. Кечкенәдән җырга гашыйк булып, уен коралларын яратып, гаҗәеп шәхесләр ярдәме белән Артист дәрәҗәсенә җитешкән Винарис Илъегет - Виталий Ефим улы Блехер мин.
Ә бүген исә Мәдәният министры һәм хөрмәтле Рәисебез Рөстәм Нургали улы Миңнеханов карары буенча миңа Атказанган артист исемен бирделәр! Минем өчен бу зур дәрәҗә.
Тормышны яратып, җырлап яшәргә өйрәткән әти-әниемә, бөек шәхесләребезгә, кадерле кешеләремә, тамашачыларыма, дусларыма, Лилиямә чиксез рәхмәтлемен! Бу яхшы яңалык әниемнең туган көне җиткәндә булуы икеләтә бәхет! Иҗатыма югары бәя бирүегезгә Рәхмәт, татар халкым!" дип язган үз блогында Винарис.

Котлыйбыз!