«WorldSkills Russia-2018» Бөтенроссия һөнәри осталык чемпионаты Казанда уза

Россия вице-премьеры билгеләп узганча, «WorldSkills Competition-2019» дөньякүләм беренчелеген Казанда үткәрү Россия өчен тарихи вакыйга булды дияргә була.

Бүгенге көндә Россия өчен иң мөһиме - эшче һөнәренең абруен күтәрү, һөнәри белем бирүне оештыру.

- Бу өч еллыкта без һөнәри әзерлекне генә түгел, ә Россиянең бөтен тормыш сыйфатын да үзгәртерлек юлны уза алырбыз, дип өметләнәм, - диде Россия вице-премьеры.
Аннары җиңүче шәһәрләрне игълан итү тантанасы узды. Казан 2018 елда "WorldSkills Russia" Бөтенроссия чемпионатын үткәрү хокукын алды.

Рөстәм Миңнеханов Ольга Голодецка ышаныч белдерүләре өчен рәхмәт сүзләрен җиткерде.

- 2019 ел Россия һәм, аерым алганда, Татарстан өчен мөһим имтихан булачак, - дип ассызыклады үзенең чыгышында Рөстәм Миңнеханов.

Татарстан Президенты билгеләп узганча, хәзер иң мөһиме - Россия командасын әзерләү. - 2018 елда безнең дөнья чемпионатын кабул итәргә әзерлекне тикшерү буенча генераль репетиция узачак, - дип билгеләп үтте ул.

Аннары Татарстан Президентына WorldSkills илкүләм беренчелеген үткәрү хокукына ия булу турындагы сертификат тапшырдылар. "WorldSkills Competition-2016"ның Россия этабы Мәскәү өлкәсендә узачак, 2017 елда Бөтенроссия һөнәри осталык чемпионатын Краснодар крае кабул итә.