Яңа Савин районында спорт мәйданчыгы ачыла

Бүген, 4-нче сентябрьдә, Казанның Яңа Савин районында универсаль спорт мәйданчыгының тантаналы ачылышы була. Спорт мәйданчыгы 103-нче номерлы (Адоратский ур., 41а) һәм 132-нче номерлы (Әмирхан пр., 28а) мәктәпләр арасындагы мәйданда урнашкан.

Республика программасы кысаларында төзелгән спорт мәйданчыгы үз эченә кечкенә футбол кырын, баскетбол-волейбол мәйданчыгын һәм тренажерлы мәйданчыкны ала.

Ачылыш уңаеннан бәйрәм уздырылачак, аның барышында концерт, ярышлар, конкурслар була, шулай ук яшь спортчылардан күрсәтмә чыгышлар күрсәтеләчәк.

Бәйрәм 17.30 сәгатьтә башлана.