Яңа туган баласын сатарга җыенган әни кешене ни көтә?

Узган елның ноябрендә 27 яшьлек хатын үзенең яңа туган улын 100 мең сумга сатарга җыенган.

Хәзер аңа 10 елга кадәр ирегеннән мәхрүм ителү куркынычы яный. Сабыйны сату турында игъланны ул интернетта урнаштырган.

Мәскәүнең бер кунакханәсендә баласын чит кешеләргә сатып җибәрергә тиеш булган ул. Хатын бирегә берничә көн алдан ук, бала тапканчы ук килеп урнашкан.

Бала тудыру йортыннан чыккач та, шул ук кунакханәгә кире әйләнеп кайта ул. Алга таба сабыйны нинди язмыш көтүе, кем кулына эләгүе дә борчымый әни кешене. Бәхеткә, бала сату турында хокук саклау органнарына билгеле була. Алар «күке әни»не кулга алалар. Бала әлегә хастаханәдә.