Ябылган базар эшмәкәрләре мәйданга җыелды

Кичә Казанда ябылган базар эшмәкәрләре министрлар кабинеты каршына җыелды. Ирек мәйданына күптән түгел генә ишекләренә йозак эленгән "Ала-Дим", "Нагмир", "Алтын" кебек сәүдә үзәкләреннән 100ләп кеше җыелган иде. Алар белән шәһәр мэры Илсур Метшин аралашты. Ул бу хәлгә ачыклык кертергә, эшмәкәрләрне урамда калдырмаска вәгъдә бирде. Татарстан прокуратурасынан исә, сәүдә үзәкләре бары тик ачыкланган хокук бозуларны төзәткәч кенә үз эшләрен дәвам итә алачак дип белдерделәр.