#Кыскача яңалыклар 21 ноябрь 2018, 11:41

Хәзрәт, кешеләрне алдалап, миллионлаган сум акчага ия булган

21 ноябрь 2018, 11:41

Уфа шәһәрендә үзен хәзрәт дип халыкны алдап акча җыючы, алай гына да түгел, куркытып талаучы бәндә кулга алынган, дип яза «Кызыл таң».

Скопировать ссылку

Алдакчылык юлы белән, ул миллионлаган сум акчага ия булган. Диндар кешеләрнең ышанычын яулап, алардан: «Синең гаиләң өстенә үлем куркынычы эленгән. Шушы хәвефне юк итәм. Сезнең исәнлеккә корбан чалдырам», – дип күпләп акча сораган. Аңа 100 мең сум, 200 мең сум тапшыручылар да булган. Өлкән яшьтәге бер ханым алдар хәзрәткә бирер өчен 2 миллион сумлап кредитка баткан. «Минем дүрт балам бар, аларны ашатырга кирәк бит», – дип акланган алдар хәзрәт, хокук сакчылары кулына эләккәч.

Кызыклы яңалыкларны күзәтеп бару өчен безнең МАХ каналына кушылыгыз.