Хәзрәт, кешеләрне алдалап, миллионлаган сум акчага ия булган

Алдакчылык юлы белән, ул миллионлаган сум акчага ия булган. Диндар кешеләрнең ышанычын яулап, алардан: «Синең гаиләң өстенә үлем куркынычы эленгән. Шушы хәвефне юк итәм. Сезнең исәнлеккә корбан чалдырам», – дип күпләп акча сораган. Аңа 100 мең сум, 200 мең сум тапшыручылар да булган. Өлкән яшьтәге бер ханым алдар хәзрәткә бирер өчен 2 миллион сумлап кредитка баткан. «Минем дүрт балам бар, аларны ашатырга кирәк бит», – дип акланган алдар хәзрәт, хокук сакчылары кулына эләккәч.