Янган BMW машинасын һәм аның хуҗасын кырда тапканнар

Күмергә әйләнгән кыйммәтле чит ил машинасын һәм аның хуҗасының гәүдәсен Лаеш районындагы Астраханка авылы янындагы кырда тапканнар. Машинага никадәр зыян килүенә караганда, ул трассадан кюветка югары тизлектә очып, берничә тапкыр әйләнеп төшкән. Йөртүчесе машинадан очып чыккан һәм BMW янып беткән. Машина хуҗасы алган җәрәхәтләрдән үлгән, дип яза Татар-информ.