#Кыскача яңалыклар 20 июнь 2019, 09:39

Янгында ике баланың гомере өзелгән

20 июнь 2019, 09:39

Бөгелмә шәһәрендә узган төндә янгын була. Шәхси йорт янганда өч яшьлек малай һәм бер яшьлек кыз үлгән. Бу турыда Гадәттән тыш хәлләр министрлыгының Татарстан буенча Баш идарәсендә хәбәр иттеләр.

Скопировать ссылку

"Эшчеләр урамындагы йортта 30 квадрат метр мәйданда янгын чыгу турында хәбәр бүген төнге бердән соң килде", - дип сөйләделәр коткару хезмәтендә.

Янгын сүндерүчеләр килеп җиткәнче үк, яна торган йорттан 25 яшьлек хатын-кызны күршеләре алып чыккан. Аны Бөгелмә Үзәк районы хастаханәсенә озатканнар. Бу хатын ис тиеп агуланган булган. Аның ике баласы янгында һәлак булган.

Янгын килеп чыгу сәбәбен белгечләр ачыклый.

Татар-информ

Кызыклы яңалыкларны күзәтеп бару өчен безнең МАХ каналына кушылыгыз.