#Кыскача яңалыклар 01 гыйнвар 2016, 06:17

Ярминкәләр дәвам итәргә мөмкин

01 гыйнвар 2016, 06:17

Сентябрьдән башлап, дүрт ай дәвамында, шимбә-якшәмбе көннәрендә Казан базарларында авыл хуҗалыгы ярминкәләре гөрләде. Шундый ук ярминкәләр башка шәһәрләрдә, район үзәкләрендә дә оештырылды. Анда җитештерүчеләр товарларын үз бәясеннән тәкъдим итте. Сайлап алу мөмкинлеге дә зур, бәяләр дә чагыштырмача арзан иде.

Скопировать ссылку

26 декабрьдә алар тәмамланды. Ә Татарстанның Авыл хуҗалыгы һәм азык-төлек министрлыгына исә шунда катнашкан 130 җитештерүче ярминкәләрне дәвам итү теләге белән чыккан. Бу хакта министрлыкның матбугат хезмәте хәбәр итә. Казанда узган 17 ярминкәдә, әйтик, 600 миллион сумлык товар тәкъдим ителгән. Җитештерүчеләр һәм халык соравын искә алып, ярминкәләр яңа елдан соң да оештырылырга мөмкин.

Кызыклы яңалыкларны күзәтеп бару өчен безнең МАХ каналына кушылыгыз.