Яшел Үзән сулыгында батып үлгән ир-атның гәүдәсен тапканнар

Бу хакта Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр. Кичә кич белән ашыгыч хезмәтләргә вакыйга шаһитларыннан бу хакта хәбәр килде.

Урынга килгән коткаручылар ярдан 1,3 метр тирәнлектә 20 метр ераклыкта булган ир-атның үле гәүдәсен алып чыккан. Ул Яшел Үзәндә яшәүче 44 яшьлек ир булып чыкты. Шаһитлар кичә ир-атны исерек килеш күрүләрен сөйләгән. Шулай ук ир-атның үле гәүдәсе табылган пляжда коенуны тыю турында белдерү булган.