Җырчы Игорь Николаевта коронавирус булуы ихтимал

60 яшьлек Игорь Николаев Мәскәүдәге Коммунарка хастаханәсенә мөрәҗәгать иткән. Табиблар анарда коронавирус булуы ихтимал, дип фаразлый. Авыруны ачыклый торган тестның нәтиҗәләре әлегә билгеле түгел. Шулай да артистта дөньяны яулап алган яңа авыруның барлык билгеләре дә чагылыш тапкан.

Җырчы соңгы арада чит илләргә  чыкмаган, әмма Россия буйлап актив чыгышлар ясаган. Авыру композиторга җырчы Лев Лещенкодан ияргән булырга да мөмкин, чөнки алар күптән түгел генә уртак мәҗлестә булган.