Җырчы Фирдүс Тямаев «Җиңү Армиясенә кушылыгыз!» телемарафонында катнашачак

Җырчы 12 сәгатьлек «Җиңү Армиясенә кушылыгыз!» телемарафонында катнашачак. Әлеге чара 15 июльдә 08:00 сәгатьтән 20:00 сәгатькә кадәр «ТНВ-Татарстан» һәм «ТНВ-Планета» телеканалларында узачак.
Исегезгә төшерәбез, турыдан-туры эфирда дистәләгән кунак контракт хезмәте һәм ярдәм чаралары турында сөйләячәк. Чаллы, Түбән Кама, Әлмәт, Мамадыш, Лениногорск һәм Яшел Үзән шәһәрләре белән элемтәгә чыгу планлаштырылган. Телемарафон кысаларында «Безнең геройлар» циклыннан фильмнар, шулай ук махсус хәрби операция зонасында эшләүче ТНВ хәбәрчеләренең репортажлары күрсәтеләчәк.

Хәзерге вакытта махсус хәрби операциядә катнашучы ир-егетләрнең гаиләләре, Россия Геройлары, волонтерлар чыгыш ясаячак.

Марафонга «Болгар радиосы», шулай ук республиканың башка телеканаллары да кушылачак.  «Җиңү Армиясенә кушылыгыз!» телемарафон трансляциясе шулай ук ВКонтакте социаль челтәрендәге ТНВның рәсми төркемендә һәм TNV.RU сайтында узачак.
Татарстан Рәисе Рөстәм Миңнеханов республика киңәшмәсендә Татарстанда контракт төзергә теләүчеләргә түләүне арттыру турында карар кабул итте. Хәзер бер тапкыр бирелә торган түләү 1,5 миллион сумга кадәр җитәргә мөмкин.

Әлеге сумма республика түләүләреннән - 1,05 миллион, Оборона министрлыгыннан - 195 000 сум һәм 300 000 сумга кадәр Татарстан район һәм шәһәрләреннән җыела. Түләүләрне алу өчен контрактны 2024 елның 31 июленә кадәр төзергә кирәк.

Контрактны Татарстан аркылы башка төбәкләрдә яшәүчеләр дә төзи ала. Кандидатларга Татарстанга килергә һәм хезмәт итү урынына кадәр барырга ярдәм итәчәкләр. Татарстан ишекләре чит ил гражданнары өчен дә ачык. Аларга ИНН алырга һәм РФ гражданлыгын алырга кирәк булачак.

Контрактка кул куярга һәм берьюлы 1,5 млн сумны мобилизацияләнгәннәр һәм срочниклар да алырга мөмкин. Кораллы Көчләр сафларында ир-атларны да, хатын-кызларны да көтәләр. СВОда медицина хезмәткәрләре, бпла операторлары, шоферлар, артиллеристлар кирәк. Хөнәрне сайлау мөмкинлеге бар. Хәзерге вакытта яңа территорияләрне саклаячак «Бытыр» исемле батальонга җыю дәвам итә.

Татарстан контрактчылары китер алдыннан кирәкле әйберләрнең тулы җыелмасын алалар. Мода медицина кирәк-яраклары да керә. Шуңа күрә хәрбиләргә бернәрсәне дә үзләренә алырга туры килмәячәк.