#Кыскача яңалыклар 13 июнь 2019, 09:16

Югары уку йортларын тәмамлаучыларга электрон дипломнар тапшырачаклар

13 июнь 2019, 09:16

Россия югары уку йортлары 2021 елга электрон рәвештә дипломнар бирә башларга ниятли. Бу хакта "Известия" газетасы хәбәр итә.

Скопировать ссылку

Бу югары белем турындагы ялган документлар белән көрәшергә мөмкинлек бирәчәк.

"2021 елга Россия югары уку йортларын тәмамлаучыларга цифрлы документлар бирә башларга планлаштыралар. Яңа модель дипломнарны 2019 елда биш университетта сынап караячаклар. Тагын 15 югары уку йортында ул 2020 елда сынау узачак", - диелә басмада.

Мәгариф һәм фән министрлыгы матбугат хезмәтендә аныклап узуларынча, мондый дипломда практика, спорт казанышлары, фәнни тикшеренүләрдә катнашу, шулай ук квалификация күтәрү курслары турында мәгълүмат булачак.

Татар-информ

Кызыклы яңалыкларны күзәтеп бару өчен безнең МАХ каналына кушылыгыз.