Юлда барган машинага ут капкан
Кукмара районында трассада машина янган.
Кукмара районында трассада машина янган.
Гадәттән тыш хәлләр министрлыгы хәбәр итүенчә, машинага ут кабу турындагы хәбәр 9 август көнне 21:40 сәгатьтә килеп ирешкән.
«Mitsubishi» машинасы юлда барганда яна башлаган. Машина йөртүче капоттан төтен чыгуын күреп, шундук юл кырыена туктаган. Капотны ачуга, моторны ялкын чолгап алган.
Ир-ат коткаручыларны чакырта һәм янгынны ут сүндергеч, ком белән мөстәкыйль рәвештә сүндерергә тырыша. 
Янгын бүлегендә хәбәр итүләренчә, янгын нәтиҗәсендә беркем дә зыян күрмәгән, ә менә машина тулысынча янып беткән.
Фото: ТР Гадәттән тыш хәлләр министрлыгы матбугат үзәге
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар