Юлия Ефимова Олимпиадага бара

Спорт арбитраж суды (CAS) йөзүче Юлия Ефимовага Җәйге уеннарда катнашырга рөхсәт бирде. Әмма Халыкара Олимпия комитетының махсус комиссиясе әле ахыргы сүзен әйтмәде. Шулай булса да, Россиянең Олимпия комитеты аны җыелма командага кертү процессын башлады.

Исегезгә төшерәбез: Халыкара олимпия комитеты кайчандыр допингта «тотылып», инде аның өчен җәзасын алган спортчыларны Рио-де-Жанейрода узачак Олимпиадага кертмәскә карар кылган иде. Ефимова CASка апелляциягә бирде.

^{_{Фото: lenta.ru}}