#Кыскача яңалыклар 22 ноябрь 2018, 17:08

Үзенә 100 мең сум премия язган түрәгә 40 мең сум штраф салганнар

22 ноябрь 2018, 17:08

Чувашиядә бер чиновник үзенә 100 мең сум премия язган. Новочебоксарск администрациясенең финанс бүлеге җитәкчесенә вәкаләтләрен арттыруда гаепләнә, дип хәбәр итә төбәкнең Тикшерү идарәсе.

Скопировать ссылку

2012 елның гыйнварыннан 2016 елның апреленә кадәр ул, шәһәр администрациясе башлыгы карарыннан тыш кына, үзенә 108 мең сумга премия бирү турында 39 боерык язган. Моннан кала, үзенә үзе 1 һәм 2нче класс муниципаль хезмәт советнигы чиннарын биргән. Икенче исемне аңа, имештер, хезмәттә аерылып торганы өчен бирергә булганнар. Законсыз чиннары өчен түрә ай саен шәһәр бюджетыннан премия алган. Новочебоксарск суды алдакчыга 40 мең сумга штраф салган.

Кызыклы яңалыкларны күзәтеп бару өчен безнең МАХ каналына кушылыгыз.

#штраф