#Кыскача яңалыклар 05 ноябрь 2015, 11:03

«Зенит»ка уңыш елмаймады

05 ноябрь 2015, 11:03

Казанның «Зенит» волейбол командасы Бразилиядә узган клублар арасындагы дөнья чемпионатында уңышлы гына чыгыш ясап барса да, финалда оттырырга мәҗбүр булды.

Скопировать ссылку

Мәйдан хуҗалары «Крузейро» клубын казанлылар турнирны ачкан уенда 3:1 исәбенә откан иде. Спорт язмышы бу командаларны хәлиткеч уенда да очраштырды. Ләкин бу матчта «Зенит-Казан»га уңыш елмаймады. Очрашу башыннан ук Владимир Олекно шәкертләренең уены бармады, команда лидерлары кичерелми торган хаталар җибәрде. Шул сәбәпле казанлылар клублар арасындагы дөнья чемпионатыннан кабат башларын иеп кайтып китәргә мәҗбүр булды. Безнең волейболчылар бу турнирда дүрт тапкыр катнашып, әле бер тапкыр да кубокны баш очына күтәрә алмады.
«Крузейро» (Бразилия) - «Зенит-Казань» (Россия) - 3:1 (25:20, 21:25, 27:25, 25:21)

Кызыклы яңалыкларны күзәтеп бару өчен безнең МАХ каналына кушылыгыз.