Үзизоляциядә яткан ир хатынын да, оныкларын да пычак кадап үтергән

Черкесск каласында яшәүче бер ир-атның, ай дәвамында үзизоляциядә ята-ята, башы киткән бугай. Төбәк тикшерү комитеты матбугат хезмәте хәбәр иткәнчә, олы яшьтәге ир башта хатыны һәм ике оныгына күп тапкырлар пычак белән кадый, аннан үзенә-үзе кул салырга тели.

Алган яралардан хатыны да, оныклары да шунда ук һәлак була. Үзе дә шактый яралана. Хастаханәгә китерелгән вакытта ир-ат аңсыз була.

Краснодарда исә бер пенсионер хастаханәдә яткан чакта, палатадагы күршесен буып үтерә. Баксаң, пенсионер үзен өйдә итеп хис иткән, ә күршесен, янәсе, өенә кергән карак дип кабул иткән...

Фото: https://pixabay.com/