Зөя утрау-шәһәрчегенә тимер юл буйлап барып булачак

«РЖД» җәмгыятенең Горький тимер юлы Казан территориаль идарәсе җитәкчесе урынбасары Александр Черемнов әйтүенчә, Зөягә илтә торган тимер юл тармагы төзекләндерелә, платформалар төзелә. Дөрес, хәзер дә Зөя шәһәре аша тимер юл уза. Әмма станциядән утрауга барыр өчен, туристларга такси ялларга туры килә иде. Хәзер исә бу хезмәтне махсус автобуслар башкарачак. Киләчәктә бердәм юл йөрү билеты булдырырга да ниятлиләр.