1 гыйнвардан россиялеләрнең паспортында яңа тамга барлыкка киләчәк

Ул кешегә үз шәхесен һәм шәхси мәгълүматларны раслауны мөмкин кадәр җиңеләйтергә мөмкинлек бирәчәк. Бу хакта “РИА Новости”га Дәүләт Думасының бюджет һәм салымнар комитеты башлыгы урынбасары Каплан Панеш хәбәр иткән. 

Бердәм федераль мәгълүмат регистрыннан (ИГ ЕРН) язу идентификациясе дәүләт мәгълүмат системаларыннан файдалану өчен таләп ителергә мөмкин уникаль номердан гыйбарәт. Ул дәүләт һәм муниципаль хезмәтләрне максималь гади һәм оператив рәвештә алу өчен тәгаенләнгән, дип аңлата Панеш.

Аның сүзләренчә, яңа билге үз шәхесен дистанцион һәм куркынычсыз рәвештә расларга мөмкинлек бирәчәк. Сүз төрле хәлләр турында бара – пособиеләрне рәсмиләштерүдән алып милек хокукларын теркәүгә кадәр. ИГ ЕРН мондый ситуацияләрдә элегрәк кулланылган салым түләүченең идентификация номерын алыштырачак (ИНН). 

Документка тамга кую өчен гражданинга ел башыннан паспорт белән МФЦга яки Эчке эшләр министрлыгының миграция мәсьәләләре буенча якындагы баш идарә бүлекчәсенә мөрәҗәгать итәргә кирәк булачак. 

Аның барлыкка килүе белән кирәкле түләүләрне рәсмиләштерү өчен белешмәләр җыюга вакыт шактый кыскарачак, дип билгели депутат. Ул билгене бары тик теләге булганнарга гына генә куячаклар. Паспортында ИНН номеры куелганнарга мөрәҗәгать итәргә кирәкми, ул гамәлдә булып калачак, дип ачыклык кертә Панеш.