2025 елда ничек эшләячәкбез һәм ял итәчәкбез?

Бәйрәмнәр ахырына якынлашты дип уйлыйсызмы? Алай түгел, алар башлана гына әле! Дөрес, киләсе озын ялларны безгә дүрт ай көтәргә туры киләчәк. 
Быел Ватанны саклаучылар көне якшәмбегә, ә халыкара хатын - кызлар көне-шимбәгә туры килә. Шуңа күрә безгә 23 февральгә дә, 8 Мартка да озын ял көннәре тәтемәячәк. Гадәти бишкөнлек булачак.
Ләкин бәйрәм көне шимбә яки якшәмбегә туры килсә, канун буенча аны безгә компенсацияләргә тиешләр. Һәм хөкүмәт ял көнен 23 февральдән 8 майга, ә 8 марттан - 13 июньгә күчерергә карар кылган.
Шуңа күрә яз һәм җәй айларында безне өч тапкыр кечкенә каникул көтә, аларның һәркайсы дүрт көн дәвам итәчәк:

- 1 майдан (пәнҗешәмбе) 4 майга (якшәмбе)кадәр

- 8 майдан (пәнҗешәмбе) 11 майга (якшәмбе)кадәр

- 12 июньнән (пәнҗешәмбедән) 15 июньгә (якшәмбегә)кадәр.

Шуннан соң инде ноябрь аенда, халыклар бердәмлеге көне уңаеннан өч көн ял итәчәкбез. Ә аннан алда алты көн эшләячәкбез. Гел ял итеп торырга димәгән, шулай бит?

Белеп тор!
Икеләтә түләү яки ял көне
Һәм бер уңайдан шуны да искәртик: бәйрәм ялы көнендә эшләгән кешеләрнең хезмәте дә тиешенчә бәяләнергә тиеш. Закон буенча менә нинди түләү каралган:

- Окладта булган хезмәткәрләргә-икеләтә күләмдә.

- Эшмәкәрләргә-икеләтә бәя белән.

– Хезмәтләре тарифлар буенча түләнә торган хезмәткәрләргә-икеләтә тариф ставкасы буенча.

Шулай ук бәйрәм көнендә эшләгән өчен өстәмә ял бирергә мөмкиннәр. Бу очракта бәйрәмдәге эш өчен стандарт тариф буенча түләнәчәк. Әгәр хезмәткәр окладта икән, ул бу ял көнен алган айда хезмәт хакы кимеми.