Айлык 209 мең сум! Россиядә иң күп түләнә торган эшче һөнәре ачыкланды

2026 елның өченче кварталы нәтиҗәләре буенча, әлеге белгечләргә эш бирүчеләр аена уртача 209 мең сумнан артык хезмәт хакы вәгъдә иткән.

Бу хакта РИА «Новости» «Авито Работа» мәгълүматларына сылтама белән хәбәр итә.

Бер ел эчендә токарьларга тәкъдим ителгән уртача хезмәт хакы 30 процентка арткан. Бу белгечләр төрле детальләрне станокларда эшкәртә. Аларга машина төзелеше, металл эшкәртү һәм җиһазларны ремонтлау өлкәләрендә ихтыяҗ зур.

Шул ук вакытта токарьларга ихтыяҗ эш эзләүчеләр тәкъдименнән шактый югары булып кала. Өченче кварталда 100 вакансиягә уртача 56 резюме җавабы туры килгән.

Икенче урында — геодезистлар. Аларга эш бирүчеләр аена уртача 198,1 мең сум тәкъдим иткән. Бу күрсәткеч узган ел белән чагыштырганда 61 процентка арткан.

Өченче урынны гипсокартон монтажлаучылар алган. Аларның уртача хезмәт хакы 160,4 мең сумга җиткән, бер ел эчендә 24 процентка арткан.

Белгечләр фикеренчә, хезмәт базарына ясалма интеллектның үсеше дә йогынты ясый. Яңа технологияләр хезмәткәрләргә булган таләпләрне һәм төрле һөнәрләргә ихтыяҗны үзгәртә.