#Кыскача яңалыклар 14 сентябрь 2025, 22:03

Андрей Кондратьев: «Сайлау бәйрәм мохитендә, тыныч үтте»

14 сентябрь 2025, 22:03

Татарстан Республикасы Үзәк сайлау комиссиясе рәисе Андрей Кондратьев «Татар-информ» мәгълүмат агентлыгында оештырылган матбугат үзәгендә видеоэлемтә аша мөрәҗәгать итте.

Скопировать ссылку

«Тавыш бирү төгәлләнүе белән котлыйм. Татарстан Рәисен сайлау бәйрәм мохитендә, имин вазгыятьтә төгәлләнде. Хәзер сайлау кампаниясенең мөһим этабы – тавышлар санала», – диде Андрей Кондратьев.

Ул Татарстанда барлыгы 2752 сайлау участогы эшләгәнен, хастаханәләрдә, санаторийларда, тикшерү изоляторларында, Габдулла Тукай исемендәге Казан аэропортында 42 сайлау участогы оештырылганын искәртте.

Республикадан читтә 6 экстрерриториаль участок эшләгән. «Сайлау участокларына килгәннәрнең бәяләмәләренә караганда, бу уңышлы карар булды. Без хәзерге вакытта Мәскәүдә булганнарга сайлау хокукын бирдек. Аларның тавыш бирүне оештыруга карата уңай мөнәсәбәтен күрдек», – диде ТР Үзәк сайлау комиссиясе рәисе.
Луганск һәм Донецк республикаларында – икешәр, Херсонск өлкәсендә 1 экстерриториаль участок эше оештырылган.

Кызыклы яңалыкларны күзәтеп бару өчен безнең МАХ каналына кушылыгыз.