Азнакай рекорды: сигезенче бала туган күпбалалы гаилә районны таң калдырган

Бала тудыру йортыннан тантаналы чыгарылыш вакытында зур гаиләне котларга туганнары һәм дуслары җыелган.

Яшь әти-әниләрне Азнакай районы башлыгы, «Бердәм Россия» нең җирле бүлекчәсе секретаре Марсель Шәйдуллин да тәбрикләгән. Ул Рәхимовларны район өчен үрнәк гаилә дип атап, аларга иминлек һәм балалар шатлыгы теләгән.

Район җитәкчелеге ассызыклаганча, Рәхимовлар гаиләсе — мәхәббәт, җаваплылык һәм гаилә кыйммәтләренең ачык мисалы. Мондый гаиләләр Азнакай районының горурлыгы булып тора.

Котлау чарасы «Ныклы гаилә» партия проекты кысаларында оештырылган.