Бигрәк тә ялгыз кешеләргә куркыныч бу

Бигрәк тә бу ялгыз кешеләргә кагыла. Төнге сменада эшләү аркасында кеше, гадәттә, иртән һәм көндез арыганлык сизә, концентрация кими һәм хаталар куркынычы арта. Әгәр дә бу даими рәвештә дәвам итә икән, мелатонин (йокы гормоны) һәм кортизол (стресс гормоны) эшләп чыгаруның бозылуы мөмкин, бу иммунитетка, күзәнәкләрнең регенерациясенә һәм стресска каршы торучанлыкка йогынты ясый. Алга таба хроник стресс аркасында гипертония, атеросклероз, инфарктлар, матдәләр алмашы бозылу һәм ялкынсыну процесслары куркынычы арта. Моннан тыш, төнлә ашау глюкоза һәм липидлар метаболизмын боза, инсулинга каршы торучанлык һәм икенче типтагы диабет куркынычын арттыра. 

- Әгәр бу еллар буе дәвам итсә, шешкә каршы үзлекләргә ия мелатонин дәрәҗәсенең кимүе сөт бизе һәм мәни бизе яман шеше куркынычын арттыра. Хроник йокысызлык һәм төнге ялгызлык иммунитетны көчсезләндерә, инфекцияләргә бирешүчәнлекне арттыра һәм авырулардан соң тернәкләнүне акрынайта. Хатын- кызларда күрем циклы бозылу, йөклелекнең катлаулануы мөмкин, - ди невролог Игорь Мальцев.