Татарстанда дарулар сатып алу кимегән, даруханәләр кереме арткан

Бу хакта Россия фармацевтика базарының ваклап сату сегменты буенча үткәрелгән тикшеренү нәтиҗәләре сөйли. Тикшеренү мәгълүматларына караганда, 2025 елның гыйнвар-ноябрь айларында Татарстан Республикасында дару препаратларын сатудан алынган гомуми керем 36,6 млрд сум тәшкил иткән. Әлеге күрсәткеч 2024 елның шул ук чоры белән чагыштырганда 15,6 процентка арткан.

Шул ук вакытта, республикада сатылган дару төргәкләре саны 1,7 процентка кимеп, 96,7 млн төргәк күләмендә теркәлгән. 2025 ел ахырына Россиядә бер дару төргәгенең уртача бәясе 405,8 сум тәшкил иткән.