Эчке эшләр органнарына 4 меңнән артык хезмәткәр җитми

– Бүген эчке эшләр органнарында әлеге мәсьәлә, Татарстанда да, Россия буенча алганда да, катлаулы булып кала бирә. Узган ел ахырына 4 361 хезмәткәр җитми иде (22,7 процент). Февраль аена бу күрсәткеч 23,4 процент тәшкил итә, – диде Дамир Садретдинов. 
Аның сүзләренчә, аерым алганда хезмәткәрләр конвой, тикшерү һәм җинаятьчеләрне эзләү бүлегенә, патруль-пост хезмәтенә җитми. Шулай ук участковыйларга кытлык сизелә.