«Гаилә ипотекасы» 16 яшькә кадәрге балалы гаиләләргә киңәйтелерме?

Бу турыда рәсми хат вице-премьер Татьяна Голиковага юлланган. Хатның соавторы – Дәүләт Думасының граждан җәмгыятен үстерү, җәмәгать һәм дини оешмалар белән эшләү комитеты рәисе Яна Лантратова.

Хатта «Гаилә ипотекасы» программасында катнашу хокукын баласы 16 яшькә кадәр булган Россия гражданнарына да бирү кирәк, – дип язылган.
Миронов хәбәр иткәнчә, хәзерге вакытта бу программадаа бары 7 яшькә кадәрге балалары булган гаиләләр генә катнаша ала, ә өлкәнрәк балалы гаиләләр мондый мөмкинлектән мәхрүм.

Шулай ук ул беренче кертемне киметү мәсьәләсенә дә игътибар юнәлтә. Хәзер ул 20% тәшкил итә, әмма күпчелек россияләр өчен бу бик авыр йөк.
Лантратова билгеләвенчә, яшь чикләрен киңәйтү бала үскәндәге иң катлаулы чорда  гаиләләргә ярдәм булыр һәм демографик хәлгә уңай йогынты ясар иде.

Билгеле булганча, Татарстанда «Гаилә» илкүләм проекты гамәлгә ашырыла.