«Госуслуги» аша табибка язылу үзгәрде

Хәзер пациентлар Госуслуги порталы аша кабул итүгә билгеләнгән көтү вакытыннан да соңрак датага языла ала.

Бу яңалык Россия Хөкүмәте карарыннан билгеле булды. Элек пациентлар, гадәттә, медицина ярдәме күрсәтү өчен расланган максималь сроклар кысаларында гына язылса, хәзер бу чик киңәйтелә.

Яңа тәртип буенча:
— гражданнар табибка кабул итүгә онлайн язылу хокукына ия;
— шул ук система аша лаборатор һәм инструменталь тикшеренүләргә дә теркәлергә мөмкин;
— язылуның төгәл тәртибе һәм максималь сроклары һәр төбәкнең дәүләт гарантияләре программасы белән аерым билгеләнә.

Белгечләр фикеренчә, бу үзгәреш пациентларга уңайрак вакыт сайлау мөмкинлеге бирәчәк, әмма шул ук вакытта чиратларның озынрак булуына да китерергә мөмкин.

Яңа кагыйдәләр инде гамәлгә керде һәм илнең барлык төбәкләренә кагыла.

Билгеле булганча, Татарстанда «Сәламәтлек технологиясе» илкүләм проекты гамәлгә ашырыла.