«Ялкынлы фламенко»: «Елмай» балалар паркында ел саен уздырыла торган бию фестивале көтелә

Шимбә көнне, 20 июньдә, «Елмай» балалар паркында ел саен уздырыла торган «Ялкынлы фламенко» фестивале оештырыла.
Кунаклар өчен фламенко коллективлары чыгышы, бию һәм иҗади остаханәләр, испан телендә сөйләшү клубы, София Гобәйдуллинаның заманча музыка үзәге оркестры концерты әзерләнә.

Фестиваль 14:00 сәгатьтән 20:00 сәгатькә кадәр барачак, дип хәбәр итә парк командасы.

Алдарак Татарстан башкаласында «Шәһәр бакчачысы мәктәбе»нә кабул итү эше башлануы хакында хәбәр ителгән иде. Теориягә һәм гамәли белемнәргә нигезләнгән алты дәрестән торган курста шәһәр халкы җәмәгать киңлекләрендә яшел үсентеләрне үстерү үзенчәлекләрен өйрәнәчәк.

Казан Мэриясе хәбәр итә.