Яңа ел каникулларын кыскартыргамы? Май бәйрәмнәрен озайту тәкъдиме яңгырады

Яңа ел каникулларының бер өлешен май бәйрәмнәренә күчерергә мөмкиннәр. Бу идеяне Сергей Миронов күтәргән дип яза ТАСС.

Аның фикеренчә, май аенда ял көннәрен арттыру күпкә файдалырак, бигрәк тә дача сезоны башында. Хәзерге график буенча, майда яллар өзек-өзек килә: берничә көн ялдан соң озын эш атнасы, аннары тагын яллар.

Шул ук вакытта Яңа ел каникуллары, депутат фикеренчә, артык озын, 2026 елда алар 12 көнгә сузылачак. Парламентарийлар билгеләп үткәнчә, күпләр өчен мондый озын кышкы яллар уңайлы түгел.

Әлегә бу тәкъдим фикер алышу стадиясендә генә, ләкин ул җәмгыятьтә актив бәхәс уяткан: кайберәүләр май ялларын арттыруны хуплый, икенчеләр исә кышкы каникулларны саклап калу яклы.

Билгеле булганча, Татарстанда «Кадрлар» илкүләм проекты гамәлгә ашырыла.