Яшенле яңгырлар, көчле җил һәм +17°: Татарстан халкын дүшәмбедә нинди һава торышы көтә?

ТР Гидрометеорология үзәге мәгълүматлары буенча, көн дәвамында урыны белән яңгыр явып үтәчәк. Төнлә һәм иртән яшенле яңгырлар булу ихтималы да зур.

Җил төньяк-көнчыгыштан һәм көнчыгыштан исәчәк, аның тизлеге секундына 7–12 метр тәшкил итәчәк. Кайбер районнарда, бигрәк тә төнлә һәм иртән, җилнең көчәюе секундына 15–18 метрга кадәр җитәргә мөмкин.

Температурага килгәндә, республика буенча төнлә һава +1…+6 градуска кадәр төшәчәк. Көндез исә +6…+11 градуска кадәр җылыначак, ә көнчыгыш районнарда хәтта +17 градуска кадәр күтәрелергә мөмкин.

Казанда көндез һава температурасы +7…+9 градус тирәсендә булачак.

Синоптиклар кисәтә: һава шартларының кинәт үзгәрүе сәбәпле, юлларда сак булыгыз, ә ачык һавада яшен вакытында куркынычсызлык кагыйдәләрен үтәгез.

Билгеле булганча, «Экологик иминлек» илкүләм проекты гамәлгә ашырыла.