Иң арзан “Кыш бабай” һәм “Кар кызы” кайда?

Биредә аларның чыгышлары сәгатенә 2 мең сум тора. Бу хакта “Авито услуги” сервисы мәгълүматлары сөйли, дип яза ТАСС. Чиләбе өлкәсендә мондый профессионалларның уртача гонорары 2,4 мең сумнан башлана. Ә Алтай краенда, Кемерово, Свердловск һәм Түбән Новгород өлкәләрендә аниматорлар сәгатенә 2,5 мең сумнан акча эшли. Мондый чыгышларның иң югары бәясе булган төбәкләр исемлегенә Ставрополь һәм Краснодар крае, шулай ук Мәскәү, Төмән һәм Новосибирск өлкәләре кергән. Бәяләр сәгатенә 3 мең сумнан башлана.

Аналитиклар мәгълүматлары буенча, аниматорның “Кар кызы” образындагы чыгышы уртача сәгатенә 2,5 мең сумга төшәчәк. Саратов һәм Самара өлкәләре шулай ук иң түбән бәяле төбәкләр (2 мең сум) арасында лидер булып чыккан. Татарстанда “Кыш бабай” оныгы костюмындагы аниматор хезмәте 2,2 мең сумнан, ә Чиләбе өлкәсендә - 2,4 мең сумнан башлана. Мондый чыгышлар өчен иң югары гонорарларның берсе Мәскәү өлкәсендә теркәлгән: бәяләр сәгатенә 3,5 мең сумнан башлана. Хезмәт күрсәтү бәясе буенча иң кыйммәтле бишлектә шулай ук Ставрополь крае, Новосибирск өлкәсе, Краснодар крае һәм Ростов өлкәсе бар - монда артистлар бәяне 3 мең сумнан башлап куйган.