#Кыскача яңалыклар 14 мая 2025, 15:45 Уку өчен 2 минут

Индонезия делегациясе ЗАГСта булды

14 мая 2025, 15:45

Уку өчен 2 минут

Бүген «КАЗАН» Гаилә үзәгендә Казан шәһәренең Загс Идарәсе «Россия – Ислам дөньясы: KAZANFORUM 2025» халыкара икътисадый форумы кысаларында Татарстан Республикасына килгән Индонезия делегациясе өчен очрашу узды.

Скопировать ссылку

Мәлик Мәхмүд Әл-Хәйт Индонезия Хөкүмәте каршындагы Консультатив совет рәисе, Мөхәммәд Равик-Вали Нанггро офисының дипломатия һәм халыкара корпорацияләр буенча өлкән хезмәткәре, Шахризал Аббас-Вали Нанггро институтының югары палатасы әгъзасы, Ихсан Исванди-Вали Нанггро институты секретариатының протокол бүлекчәсе җитәкчесе, Мөхәммәд Адзанние Бессания, Сара Кларисса Бессаниа Равик, Мөхәммәд Фаррос Бессаниа «Казан» уникаль корылмасын төзү тарихы белән таныштылар, тантаналар залларында һәм күзәтү мәйданчыгында булдылар.

Татарстан Республикасының атказанган мәдәният хезмәткәре Гүзәл Мөхетдинова рус һәм инглиз телләрендә «Казан» үзәге буйлап экскурсия уздырды һәм татар мәдәнияте белән тулырак таныштыру өчен татар телендә җыр башкарды. Кунаклар чит ил гражданнары белән никах теркәүгә кагылышлы сораулар бирделәр һәм Казан шәһәрендә тагын бер тапкыр очрашырга теләк белдерделәр.

«Россия — Ислам дөньясы: KazanForum» Халыкара икътисад форумы Казанда 13 – 18 майда уза. KazanForum 2009 елдан башлап Татарстанда ел маен уздырыла. 2023 елдан әлеге чара федераль статус алды. Татарстан Рәисе Рөстәм Миңнеханов Россия Президенты Владимир Путин йөкләмәсе буенча «Россия – Ислам дөньясы» Стратегик караш төркемен җитәкли.

Кызыклы яңалыкларны күзәтеп бару өчен Вконтактега кушылыгыз.

#Миңнеханов