КАИның экс - ректоры Алибаевның мөлкәтен тартып алу турындагы карар үз көченә кергән

Бу хакта ТР прокуратурасы матбугат хезмәте хәбәр итә.

Судка дәгъваны ТР Прокуратурасы тапшырган, Тимур Алибаев һәм аның хатыны Лира Алибаеваның (Федераль казначылыкның ТР буенча идарәсендә бүлек башлыгы булып эшли икән) керемнәре декларациядә күрсәтелгәнгә туры килмәгән. 2024 елның сентябрендә Казанның Вахитов районы суды күзәтчелек органы таләпләрен канәгатьләндергән. Җавап бирүчеләр, карар белән килешмичә, аңа шикаять биргән.

Тикшерү күрсәткәнчә, гаиләнең Казанда өч фатиры һәм Төркия счетына күчерелгән 24 млн сумнан артыгы акчасы булган. Милекне яшерү өчен аны Алибаеваның хатыны әнисенә рәсмиләштергәннәр. Соңрак милек мирас буенча күчәчәк икән.

Шулай итеп, Татарстан прокуроры Альберт Суяргуловның дәүләт кеременә мөлкәт әйләнеше һәм Алибаевлар гаиләсеннән 33 млн сумнан артык акча алу турындагы дәгъвасы буенча суд карары үз көченә керде.