Каралган банан — татлы түгел, хәвефле: белгечләр кисәтә

Табигый әчү процессы нәтиҗәсендә мондый бананнарда спирт барлыкка килә: яшел бананнарда ул юк, өлгергәннәрендә — бик аз, ә менә караланганнарында алкоголь һәрвакыт була.

Белгечләр ассызыклаганча, мондый бананнарны бары тик пешереп яки кыздырып кына кулланырга ярый — җылылык тәэсирендә спирт парга әйләнә. Шуңа күрә аларны турыдан-туры ашарга түгел, ә ризык пешерү өчен файдалану отышлырак.

Шуны да истә тотарга кирәк: кабыкта вак кара таплар куркыныч тудырмый. Әмма кабыгы тулысынча каралган банан черү процессы башлануын күрсәтә. Мондый продуктны артык куллану эчәклек системасына һәм бавырга зыян салырга мөмкин.