Казан метросы төзелешендә эшче һәлак булган

Күзәтчелек ведомствосы таләбе буенча метро төзелеше вакытында эшченең үлеме турындагы җинаять эше кузгатылган. Бу хакта Татарстан Прокуратурасы телеграмма-каналда хәбәр итә.

«10 нчы микрорайон» метро станциясендә монтаж эшләрен үткәргәндә ир-ат өстенә бетон плитә төшкән. Эшче алган җәрәхәтләрдән урында һәлак булган.

Күзәтчелек ведомствосы үткәргән тикшерү күрсәткәнчә, «Казметрострой» АҖ хезмәткәрләре хезмәтне саклау нормаларын үтәмәгән.