Казан спорт гимнастикасы буенча Россия халыклары Спартакиадасын кабул итә

8 сентябрьдә Казанның Гимнастика үзәгендә спорт гимнастикасы буенча Россия халыклары Спартакиадасы ачылды. Ярышларда Россиянең 17 субъектыннан 85 спортчы катнашачак.

Спартакиаданы тантаналы рәвештә ачтылар

Тантаналы ачылышта Татарстан Республикасы спорт министрының беренче урынбасары Хәлил Шәйхетдинов, Татарстан Республикасы спорт гимнастикасы федерациясе президенты Марат Бариев һәм башка мәртәбәле кунаклар катнашты.

«Мин сезне спорт министрлыгы җитәкчелеге исеменнән, шәхсән үз исемемнән Россия халыклары спартакиадасында сәламләвемә шатмын. Без Россия Спорт министрлыгына шундый статуслы ярышларны уздыруны ышанып тапшырганнары өчен рәхмәтле. Киләчәктә дә җыелма команда составында Татарстан спортчылары ил данын яклаячак, дип өметләнәм. Республикада спорт гимнастикасының актив үсүе белән безнең инде билгеле бер уңышларыбыз бар. Барыгызга да уңышлар телим, иң көчлесе җиңсен!» — дип сәламләде кунакларны Хәлил Хәмитович.

Ярышлар 13 сентябрьгә кадәр дәвам итә

Ярышлар 13 сентябрьгә кадәр дәвам итәчәк. Турнирда 2026 елгы Россия чемпионаты һәм Кубогы нәтиҗәләре буенча илнең иң көчле спортчылары чыгыш ясый.

Спортчылар команда һәм шәхси беренчелектә, шулай ук күп төр ярышларында финалда бүләкләр өчен көч сынашачаклар.

Чыганак: Татарстан Республикасы спорт министрлыгы матбугат хезмәте