16+

Казан урамнарын роботлар җыештырачак: дүрт техникага 13,1 млн сум тотачаклар

Казанда урамнарны җыештыру эшләренә дүрт яңа робот җәлеп итәргә планлаштыралар.

Казан урамнарын роботлар җыештырачак: дүрт техникага 13,1 млн сум тотачаклар

Казанда урамнарны җыештыру эшләренә дүрт яңа робот җәлеп итәргә планлаштыралар.

Алар юлларны себерәчәк, кар чистартачак һәм яшел үсентеләрне тәрбияләүдә ярдәм итәчәк. Техниканы сатып алу өчен шәһәр 13,1 миллион сум акча бүлеп бирәчәк.

Ике роботны «Городское благоустройство» муниципаль унитар предприятиесе сатып алырга ниятли. Аларның берсе мульчер һәм кар чистарту отвалы белән җиһазландырылачак. Икенчесендә исә сугару системасы, себерү щеткасы, кар чистарту отвалы, шнекоротор һәм мульчер булачак.

Тагын ике роботны Казанның Киров районы юл-эксплуатация участогы (ДРЭУ) сатып алырга планлаштыра. Алар — «Веном Саранча» һәм «Веном Вектор» модельләре. Беренчесенә мульчер һәм шнекоротор, икенчесенә себерү щеткасы һәм кар чистарту отвалы урнаштырылачак.

Яңа техника шәһәр урамнарын тәртиптә тоту эшләрен җиңеләйтергә һәм коммуналь хезмәтләрнең мөмкинлекләрен киңәйтергә тиеш.

Фото: Казан мэрының рәсми сәхифәсе

Кызыклы яңалыкларны күзәтеп бару өчен безнең МАХ каналына кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading