Казанда 72 яшьлек хатын-кыз һәм аның 95 яшьлек әтисе һәлак булган авария видеосы чыкты

Фаҗига нәтиҗәсендә 72 яшьлек хатын-кыз һәм аның 95 яшьлек әтисе һәлак булган.

Авария Honda автомобиле катнашында булган.

ТР буенча баш дәүләт автоинспекторы Рөстәм Гарипов сүзләренчә, беренчел мәгълүматларга караганда, автомобиль руле артындагы 72 яшьлек хатын-кызның хәле кинәт начарланган.

— Honda руле артында булган 72 яшьлек хатын-кызның хәле начарланган, ул идарә итүне башкара алмаган һәм электр линиясе терәгенә бәргән. Чит ил машинасы салонында аның 95 яшьлек әтисе була, — дип сөйләде Рөстәм Гарипов.

Юл-транспорт һәлакәтеннән соң ике кешене дә хастаханәгә озатканнар. Әмма табиблар аларның гомерен саклап кала алмаган.

— Шул ук көнне ир-ат вафат булды, бүген иртән хатын-кыз да вафат булды, — диде республиканың баш дәүләт автоинспекторы.