Казанда белдерүләрне үз белдеге белән ябыштырган өчен штрафларны арттырырга телиләр

Казанда белдерүләрне үз белдеге белән ябыштырган өчен штрафларны арттырырга телиләр
«Эшлекле дүшәмбе» барышында Казан Мэриясендә санкцияләнмәгән реклама урнаштырган өчен штрафларны арттырырга тәкъдим иттеләр. Мондый инициатива белән Башкарма комитетның административ-техник инспекциясе идарәсе башлыгы Артур Мөхәммәтшин чыгыш ясады.

- Билгесез урыннарда урнаштырылган мәгълүмат-кәгазь продукциясе шәһәрнең тышкы кыяфәтен ямьсезләп тора. Акча эшлим диеп социаль җаваплылыгы түбән булган гражданнар листовкаларны теләсә кая ябыштыралар. Бигрәк тә шәһәр яктырту баганалары, светофорлар, юл билгеләре, тукталышлар зыян күрә. Шундыйларның куакларны һәм агач ботакларын пычратырга оятсызлыгы һәм зирәклеге җитәрлек, - дип белдерде ул.

Хәзерге штрафлар вәзгыятьне яхшыртмый, чөнки ул тәртип бозучыларның көнлек хезмәт хакыннан артмый.

— Татарстан Административ хокук бозулар кодексының 3.5 маддәсе буенча штрафлар суммасын арттыруны максатка ярашлы дип саныйм («тышкы мәгълүматны урнаштыру тәртибен бозу») санкцияләнмәгән сәүдәне җайга сала торган маддәгә охшаш рәвештә гражданнарга 1 мең сумнан 3 меңгә кадәр штраф салына, — дип ассызыклады Артур Мөхәммәтшин.