Казанда ял көннәрендә 200дән артык автомобильне штрафстоянкаларга озатканнар

30 гыйнвардан 1 февральгә кадәр Казан урамнарыннан юл хәрәкәте кагыйдәләрен бозып куелган 226 автомобиль эвакуацияләнгән. Хокук бозучылар арасында өч йөк машинасы да булган. Барлык транспорт чаралары штрафстоянкаларга җибәрелгән. Тиешсез урыннарда калдырылган машиналар кар җыю техникасына комачаулый.
Шәһәр хезмәтләре автомобильчеләрне машина кую кагыйдәләрен төгәл үтәргә, юл билгеләренә игътибар итәргә һәм транспорт чараларын вакытында күчерергә чакыра. Бу махсус техникага шәһәр урамнарын кардан тизрәк һәм сыйфатлырак чистартырга мөмкинлек бирәчәк.

Исегезгә төшерәбез, җомгадан Казанда "Буран» планы гамәлдә. Ял көннәрендә кар чистартуда рекордлы санда – 1353 берәмлек техника җәлеп ителгән.