#Кыскача яңалыклар 29 май 2026, 13:43

Казанда яшәүче хатын бозлы суда батып баручы баланы коткарган

29 май 2026, 13:43

Казанда яшәүче Галия Ситдыйкова батып баручы баланы коткарып, Тигран Кеосаян исемендәге 12 нче премиягә лаек булган.

Скопировать ссылку

Бу хакта RT хәбәр итә.

Фаҗига белән бетәргә мөмкин булган хәл Галия ханым ире белән балыкка барганда килеп чыккан. Шаһитлар сөйләвенчә, яр буенда балаларның берсе ярдәм сорап кычкыра башлый. Аның дусты салкын суда бата башлаган була.

Әлеге хәлне күргән кешеләрнең күбесе ярдәмгә ашыкмаган, киресенчә, вакыйганы телефонга төшереп торган. Әмма Галия Ситдыйкова бер мизгел дә уйлап тормыйча бозлы суга сикерә. Ул батучы малайга барып җитеп, аны судан тартып чыгара һәм гомерен саклап кала.

Соңрак әлеге батырлыгы өчен Галия ханымга 1 миллион сум күләмендә премия тапшырылган. Оештыручылар сүзләренчә, бу бүләк үз гомерен куркыныч астына куеп, башкаларга ярдәм иткән гади кешеләргә бирелә.

Галия Ситдыйкованың гамәле күпләр өчен чын каһарманлык үрнәге булды.

Кызыклы яңалыкларны күзәтеп бару өчен безнең МАХ каналына кушылыгыз.