Казанда террорчылык оешмасы катнашучысын тоткарлаганнар

«Татар-информ» га билгеле булганча, сүз тыелган Хизб Ут-Тахрир әл-Ислами* оешмасы турында бара.

Махсус хезмәтләр мәгълүматлары буенча, хатын-кыз оешма җыелышларында катнашкан. Ул тыелган әдәбиятны өйрәнгән һәм тер оешмасы эшчәнлегендә катнашу өчен җирле халыкны җәлеп иткән.

Әлеге факт буенча террорчылык оешмасын оештыру һәм анда катнашу буенча җинаять эше кузгатылган. Оператив-эзләү чаралары дәвам итә.