Казанның муниципаль парковкалары тагын ике көн бушлай эшләячәк

Парковкалар тагын ике көн бушлай эшләячәк. Мондый карар Татарстан башкаласында 4 февральгә кадәр озайтылган «Буран» оператив планы белән бәйле.

Исегезгә төшерәбез, бу чара юл хезмәтләренең урамнарны кардан чистарту эшен җиңеләйтергә һәм юл кырыенда калдырылган машиналар санын киметергә тиеш. Шәһәр мэриясе әле алдагы көнне үк шәһәр халкын шәһәр буенча хәрәкәтне мөмкин кадәр киметергә сораган иде. Мондый һава шартлары сишәмбегә кадәр дәвам итәчәк.

«Буран» планы — көчле кар яву нәтиҗәләрен бетерүгә һәм Казанда шәһәр транспортының өзлексез эшләвен тәэмин итүгә юнәлдерелгән чаралар комплексы. Аны җомга көнне 18:00 дә экстремаль көчле кар яву сәбәпле керттеләр. Соңгы биш көндә Казанда айлык явым-төшем нормасының 70% ы яуган. Ә 2 февральгә булган мәгълүматларга караганда, ТР башкаласында рекордлы 2024 елның кышына караганда 10% ка күбрәк кар яуган. Карны көчәйтеп җыю сәбәпле, Казанда «Буран» планын озайтырга булдылар, дип сөйләде Казан мэры Илсур Метшин.